جهز روحك ان اونك

جهز روحك ان اونك جاك الدور انت وعوانك
حان عقابك حان حسابك
تدفع غالي حق الغالي الوطن اللي مصيت ادماه
الشعب الليبي راسه عالي اهو ثار ابعون الله
ايهدم بنيانك واركانك
جهز روحك جنك جي خيل احفاد هذاك الشايب
فعل احفاده مهو دي
مد وضرب امسقم صايب
كتايب جنهم بعد اشوي قالوا كانن فيه كتايب
دواللي منهم من الموت انجي
استسلم روح طايع تايب
الشعب الليبي دمه حي
جنوب وشرق وغرب حبايب
عليك اتحدو خي وخي
التمو داروا فيك عطايب وفي ايساند فيه وفي ايقولو اترابك ماهو سايب
يم اتراب ايعز علي
دون اترابك دمي رايب
الله اكبر والله قوي
ايواطي شانك قادر ويطفي بركانك
جهز روحك جاك الدور وين ملاذك وين خلاصك جوك بوادي وجوك احضور
سيل اقرب من حيطة ساسك ملوا من الضلم ومن الجور
من غدرك من خبث انفاسك
تافه دجال ومغرور
جرثومه انت وانجاسك كبود بيغيض ودم تفور متحدين يريدو راسك اقسم بالله ومش زور
اقريب تشرب حنضل كاسك شباب الثوره عطر ونور ونار اتذوب شدة باسك
فراسين جوارح وصقور والجرذان انت وحراسك اخسأ مذموم ومدحور اخسرت ارهانك وخسرت حياتك وايمانك
جهز روحك