الدفاع المدني او رجال الاطفاء

بسم الله
جميعا نعرف ان مهام رجال الاطفاء او الدفاع المدني تختصر فى ثلاث عناصر رئيسة هامة ولكن الاهم من ذلك هو تنفيذ هذا العناصر بسرعة وحرفية ومهارة عالية جدا وهذه العناصر هي :
1- سلامــــة الحيــــاة
2- سلامة الممتلكات
3- العمل على منع او تقليل الخسائر

لكن اللي خلاني نكتب الموضوع هذا وهو اني كنت ماشي فى احد شوارع البيضاء
فلقيت سيارة فى بداية ولعه النار .. ولقيت صاحبها قاعد احذاها ومش عارف ما ايدير .. وقال ان بلغ الدفاع المدني
وقعد ايراجي وايراجي وايراجي
لعند ما النار كلت السيارة كلها وطفت النار
بعدها بساعتين جت سيارة المطافي فيها شخص واحد هو اللي ولع المضخة وبعدها رقا فوق سيارة المطافي عشان يمسك الرشاش و و و ....
وبعد ما سألناه وقلناله وين التطويل هذا كله
قال والله بعد ما جتني الاخبارية مشيت انعبي فى اميه

بالله عليكم

هذي هيا السرعة والحرفية ..
اولا الدفاع المدني فى البيضاء عنده سيارتين بس
وديما غير مستعدات يعني اتعدي اتبلغا ايقولك خلاص انعدي انعبي اميه وتوا انجيك
وحتي السيارة كلها يشتغل عليها شخص واحد

بصراحة الحمدلله اللي ما كنت داخل السيارة وامعابي عليهم ينقذوني

الدفاع المدني او رجال الاطفاء 603505890

كلكم راعي وكلكم مسأول عن راعيته

هذي المقوله مستحيل ياخذو بيه المتخلفين

الله غالب

والله صدقتي يا حفيدة المختار

بس انشاء الله الوضع توا ايتحسن بعد الثورة وتكون في رقابة بجد

الله كريم وان شاء الله خير

تحياتي