خواطر

أمغير خساره راح الشباب وباقيات أثاره .. عمري كمل شيدت له تذكاره .. عدن أيامي في هموم وبس .. كامي الهم وحسرته ومراره .. كاتم علي صدري وبيه أنحس ..


صـــادرات من منهــل غــلاة زعالـــــة..نـــــادمات ياريــت النـــدم يقتلــهن..علــي منهلــة قصر الدلـــو احبالـــة..يريـــدن شرابــــة والشراب خذلــهن..


اصحاب لي عزيلةاصحاب بينه رفقت اسنين طويلهحال غايتي مانغيب عنهم ليله علي والفو وانا العقل ادمنهمابقيس الجهد يفزع اللي نشكيلهاحدا محنتي ينسوا جميع محنهماصحاب قدرهم عندي كبير انشيلهونطعن عدوهم قبل مايطعنهماصحاب يا محلاهم اصحاب لاجفوني يوم لا نجفاهم اصحاب للشدايد والدهر راكنهم ..


إلي تجرحك يازين ما انديروها واللي تجرحك تفداك يلعن بوها.. ما نقربها ونحاول بجد الجهد نجنبها كان غير حاجة وحضرتك طالبها حتي بقطع ارقابنا انجيبوها واندق صلبه لين نسترطبها وترخص عليك الغالية نشروها..


شوف بالخطا واخطاه كيف اخطيها كنسة عدوك مالوجود كنسها غية علي ساس الوفا بانيها والمركب تضيع وتغلبه رايسها بخصك ان تم الموج يلعب بيها ..


ياعقل خليك صبار ولايكون عزمك عطيب وياقلب هك الاقدار كان ماخذت ماتجيب وياقلب وقت غدار عيش فيه كيف الغريب انكانك علي جرح سطاريجيك يوم تلقاله طبيب وانكانك علي صوب ما صار راه كل شي قسم ونصيب ..


الرب ماكيف العسل ♥ و العسل دواء لكل علة ♥ و الصحراء ماكيف الجبل ♥ و الجبل يسدك امغير ظله ♥ و المشاكل مع الاجواد تنحل ♥ و مع الانذال صاعب حله ♥ و الصقر صقر حتي لو حصل ♥ و البوم بوم حتي لو تعلا ♥..


رد السلام علينا¤اخطينا معاك مغير ياغالينا.. حتى مجامله .¤ردالسلام وسلم¤ وحتى إن كان تقدر ع الكلام تكلم.سفيت المواجع ياعزيزتظلم¤جنك وجيت ودرتناماجينا¤دزينا دليل الليل وين يظلم.كان ريد تضحك ياعزيزأشقينا ..


لاني لايمك ولاهو عليك املام" إنسيته غلاي في ثلاث أيام" عيفتك عيفه والصقر ماعمره نزل عالجيفه" مانشبهك بالشي وأنت كيفه" حقير و واجب الإحتقار..!! طبعآ حاشاكم..


مت بنارك من عكس بختك من عطيب اشوارك مرار ياس تبع في الغلا مشوارك والجرح اذن فاالرحيل اذنت تسابيب ياس ابياس وانت مشارك في موت نفسك عزاك احسنت مت بشوقك والياس ولاله ضع في سوقك سامحت في ففسك تناقص روقك ..


العيب وجيعه والصاحب اللي تشريه ليش تبيعه والعيب شين ما قرت عليه شريعه ولا صرحوه بتذكره مطبوعه وبو عقل مايصمل بعد تقديعه الا من مواجع دايرات اهلوعه..


بيك فرحنا...بيك فرحنا***وصفحه جديده في الغرام فتحنا وصفحة الماضي كلهاطوحناوماعد لازمني عليها سوق مضيت ياماضي خلاص رتحناانسيت الجفاوامرار كل الشوقوقبلك واجدعالزهامارضنا..


صاحب صوب عزومي ثقيله غيرعزيزمانحمل بلاه هومشكاي فوق الراس انشيله راس المال عندي هوغلاه ونامن قبل غفواتي قليلهيابال الوقت خلاني بلاه عندي الكبدامخليهادقيله غيرعزيزيستاهل افداه..


عطشاااان وردى فى إجنان هواكم خذيتواعطوره وماعطيتو..ماكم..عطشاااان ياحبانى فى إجنانكم وردى جفاف ايعانى... فى إيدكم ترووه يزهاتانى.وفى إيدكم يدبل إ يموت إحداكم وإن كان ياغوااالى تقدرونسيانى ماظن يعليحفله وسهاري وعرس سمح نواه‎‏@‏ ‎والعرس بدا,,بعد طول المده‎,,زها الخاطر و زهيوا‎ ‎الاحباب معاه‎‏@والناس جونا,،كلهم هنونا ‏,,‎ ‎وسبعه ليالي عرسنا درناه‎‏@‏وصارمن ملقانا,,بعد ‏‎طول رجانا‎ ‎,,وطلبنا المولى حبنا يرعاه‎ ‎‏!‏ نعيشوا فسعاده ,,ما هناك نكاده‎ ‎,,ونبقوا‎ ‎رفاقه دوم نا‎ ‎وياه‎ ‎ورنة الساعه ,,دايره زعزاعه‎ ‎,,قفزخاطري هالشي حلم لقاه..


الخاطر يوم رحيل الناس!!تخولط حاس!ابقي منهاس طريح ويلقط في لنفاس!!الخاطر يوم فراق الزين بقي مسكين!ادموعه سالن عالخدين!بقي مليوع وحاله شين!بكل أحساس!!علي ريده يذرف لاباس!الخاطر..


الدنيا وجاهات ووجوه ويوم الاخره بالعمايل موش كل طير يشووه ولاكل حد له بدايل ولاكل بير يردوه حتى فى العطش والمحايل ولاكل من ناض يطروه ويجيبن نباه المثايل فيهم اللى شايله بوه وفيهم اللى بوه شايل..


اللة والنبي بالك تدير بصيره"غلاك لاعني والجرح زاد سطيرهديردباره!غلاك كادني ووحلت في مشوارهوناقبل عقلي حاضرات اشوارهواليوم حايس حرت في تدبيره"الله والنبي تحسب حساب اقدارهوجبره الخاطرخيرمنتكسيره"..


امرايف عليك اليوم و امس وبكره !! ارياف طيرله مده امسيب وكره!!أمرايف ديمه نين الرياف عليك فات القيمه. الخاطرايريدك ياعيون الريمه بين الدقيقه واختهاتفتكره.انعيش في غلاك وجنته ونعيمه.انكان مابرم ياسك علي بمكره.انمات الغلا مالياس هي الجريمه حرام الزها هضاك يبقي ذكرى..


إن فيك مصلحه ما أيهونوك...وأتجيك مالبخيل الكباره ...وان مافيك مالقدر ينسوك...وأتجيك مالسفيه الصغاره ...وأنكان خجت عمده أيدنوك ...وانت هبل صاحب أدباره ...مظلوم وأنت ظالم أيديروك...وأيجيك قدر مولك بطاره ...وأنكان غبت يمشوا أيجيبوك ... وأتذوق العسل فالبصاره ... وأنكان مات جارك أيعزوك وأتجيك كردله بلماره ...وكي تنفقر ماأيشيلوك ...أمفيت بالكرا والنزاره ...وتصل نين مايعرفوا بوك ...حتي وبوك سيد العصاره..


"تخايلتك"تخايلتك حبيبي جاي#تخايلتك حكيت امعاي#تخايلتك كيف تلاقينا* في يدي حطيت أيديك.همسنا بشي تحرك فينا* وضميتك ملهوف عليك.وبيني وبينك موش امصدق!!خفت انكون في غفوة شفتكولا في حلم [تخايلتك]... تخايلتك..


ثاريت الخلا موش مطلوق¤للي ملتذع في كنينه.وثاريت الخلا منه أتروق¤مامن يتيمه حزينه.وثاريت الخلا عنك إيسوق¤رحلان مامن غبينه.وثاريت فالخلا ريقه أيذوق¤اللي شرقنا اسنينه.وثاريت فالخلا ريت الخلوق¤تستاسع وتنسى الشينه¤ثاريت الخلا يالمعشوق¤إيحايي عروق الدفينه.وثاريت الخلا حجاب مطقوق¤مكمن جواهرثمينه. وثاريت الخلا نيست فروق¤اللي فيه كيف السفينه.وثاريت الخلا منية الطوق¤اندارفارواضي اخشينا..


جت صورتك بينى وبين كتابى٠تاعب ونقراء على الشهادة عابى٠ماأنتكلم جايب كتابى نيتى أنتعلمأنتى تشرحى وانا احذاك أمبلم٠تلميذ فى فصلك قليل أغيابى٠عيونك كما ليلة شتاء وامظلم٠اسماح وتوارن فى هدوب مصابى٠طايع اجبارى للجمال امسلم٠رافع الراية واضحات اسبابى٠كملت عمرى فى الغلاء انتعلم٠خريج معاهد صوب مانك غابى..


خذني فيك اعيون اسماح*امعاهن ماح*البني الواثق رج اوطاح.خذني فيك اعيونا" سود ونا عارف ماعندك ميل.امغير اقسامي في اتقود عليك رمني رمي السيل.ليالي وبوارق ورعود وجنا ارياح خذنا فالديموم وراح.خذني فيك اعيون اكبار*عليهن صار*معارك والتهديد ابنار*العقل ايعاند في لقدار علي لرياح المركب ناوي عالمرواح..


خيرك جبته_حاييت جرح ماشي للطياب عطبته_شن خطره يانوم سبحان كيف تهايا_وكيف جيتني ياطيف في تغفاياويش قصته طيف الحبيب إمعايا_ايجي وين مانحسابني سيبته..


زعم وينكم يا الغايبين؟ يابعيدين المنادي!! دورت ما القيتكم وين! منذاح بين النشادي! براج قال قريبين! وبراج قاللي أبعادي! ف التاقزه مش با؇ينين! مقطوع الرجامن مرادي! نبكي ابكا محبين! والدمع ملي اوسادي!..


عندي عين ماترقدالليل وعندي قلب صايف خضاره ولنظارعندي مشاغيل فالليل باتن سمارا ماعاديصفن معاليل محابيس صافن جضارى لاكوت قدامي تليل ولانجع زاهي دياره ..


منهن جنيت عذابي بجولت أنضاري في اديار احبابي..نكان غبت تكبر لوعتي بغيابي غوالي أمعاهم غفوتي مفروعه...أبطول المدايد ماطفي منشابي لهاليب نارا قابلن هيزوعه ...ألاالعين من بعداديار أتكابي ونجتن أتجي من خلوهن مفجوعه...حرام مانفعها قول ياغيابي علي مااترع جفنها بدموعه....منهن جنيت ألوعه اوكي أخطيتن زادت أجروح أهلوعه أوهام القدم..


هظا وقت ليله في نهاره ..هظا وقت صبحه في الغروب..هظا وقت عقاله اصغاره..هظاوقت الشايب ما ايتوب..هظا وقت حلوه ففي مراره..هظا وقت حليبه ما ايروب..هظاوقت صوابه في عواره..هظا وقت مايحسب اذنوب..هظا وقت ربحه في خساره..هظا وقت مليان الجيوب..هظاوقت مو وقت العصارة..هظا وقت فرسان الهروب ..هظاوقت جهال الحظاره..هظا وقت تصديق الكذوب ..


ياقلب بالغيظ مليانأحكي على ماجرالكلايوجعك غدر الأزمانياما غبن من أمثالكمايعرفن شان بوشانولاهن الحد خوذ بالكأن عاديتهن راك غلطانمايزعلن من أزعالك كي الريح تندار سبحاناتجي معاك واتجي اقبالكياقلب خليك مطماناللي صار لك بأذن مالك والله مابيد لأنسان ولا يديرلك لو لوالك حال غايتي يالعصرانالها الوقت يبرد اجلالكمايغربك راي حبانغروبهم ارقاق المسالكوباعوا الراس بالذانمن سواد رايهم الهالكياغزالتي فالأوطانمايغربك شي جمالكيفنى الحي والزوق يدفانوأن جا الشيب رداه هالكياتاجر السو خسرانمهما اربحت المعاركيمشي زمان وإيجي زمانوإيجي سلاك صاحب سوالكوياسامر الليل جضرانتعال هنا فضيه بالكانكان كنت ع الحال زعلانتلقى احوال ترضى ابحالك..


ياللي ملكت احساســــــــــي *** نريد نفهمك عن قرب كنك قاسي الله يسامحك ياللي ملكت الـــــــــــــــــــــروح **ويا اللي تركته خاطري مجروح وحق من اللي نجى سفينةنوح ***وجعل للبحور وللاجيال رواسي لا عليك نكذب لو كلام اطــــــروح *** نشكيلك بماحسيتبه في انفاسي لــــــــــــــــــــيش قسيت *** جافيتني والله على الهيت طلبتك وراسلتــــك وما رديت*** حتى مجامله يابوغثيث امواسي والله خجولي من كلام القيت *** نين تكتبه وترد بيه اتواسي صبرتني بصمتـــك على جنيت *** الله والنبي عاود وكنك قاسي..


اقرالي ياقراي الكف.ا‎لجاي اعرف..وخبر ياك الدمع يجف.. اقرالي يا من فيه تجيد .. وعندك ليد.. امسكها واحكيلي لاكيد.. معاي شغف ..لعرفة هلي مانعرف.. وعن مطراه حزام الجيد طليق يلف؟ زعم ولا للغير أنزف

اهدي هذه الخواطر لاخي وصديق أ / ع / ح / الح / وادعوا له بالتوفيق في دراسته العليا ..‏‏


وشكرا..

مشكورررررر عل الخواطر