90 غناوة صقع لاعضاء شباب وبنات جامعة عمر المختار

نبقى كيف العود الصايف.....وين على لولاف انرايف.

فزعك يا العين عطيب ، مفيت دمع ما فيك فايدة

عارف العين تحوس ، للدار جيتي ما نريدها

بلا جميلتك يا عين ، العقل زار لولاف ورجع

العين انعمت م الياس ، ويا رسيل لولاف قودها

ما نلوم ع البكّاي ، عندي عين يا ما باكية

عزيز وين صار الموح ، معاهم بقي عين شامتة

ما تلوم ع البكّاي ، العين نار لولاف قايسة

مفيت والعزيز رفيق ، العين ما علي موح قادرة

غلاهم بقي للعين ، خيال يا علم في نومها

ان رادت غلا تبيه ، العين يا علم هي الرايدة

العين ع الضلال تتوب ، ان طالت عرب في شوقها

صعبوا يا العين عليك ، وما لهم سبب بيش يقسموا

متّاليات فقر وياس ، ع العين يا علم نين تالفة

لها عزيز غير بعيد ، العين في رجا صوبه جزت

العين فالتة م العقل ، تسّارق بلا مار شورهم

انتي سبايبه يا عين ، غلا عزيز لولاك ما رسم

ننهى العين ع المرهون ، تبات تايبة نين تنظره

عليك بالعلم يا عين ، اظلاله عليك يروقن

طناها فراق عزيز ، العين غير ما فيدي لها

شوي معارفك يا عين ، تريدي الراحة م الغني

خرب طباع العين ، عزيز وين ما غاب غوننت

فواهق قدم يا عين ، عليك وين ما ناضن ابكي

العقل صوقرة مرهون والعين، ذايحة في جرته

العقل وين قلنا تاب ، هفّوا عليه لولاف انتكس

قزّون يا عزيز بعدك ، حتى وهلي يالاي كلّهم

تشريك في المفاصل جاي ، عزيز كسرنا فيه ما جبر

عزيز لا عطاه القسم ، ولا العين صوبه ناسية

بعدك ما لفى للعقل ، رفيق ضابطة كيف الجضر

مغير قيلني م الياس ، عندي معاك ميعاد يا جضر

الخاطر التمن فيه ، ضياق علم ورياف وجضر

عزيز هو سبب لنظار ، عماهن وما بى يقودهن

سبب علته مرهون ، دوا العقل في قولة فْضي

عقاير بساط العقل ، ملايا غلا نين بدّدن

عزاز مالكين العقل ، ينساهم منامه يجيبهم

واجد اللي في العقل ، مطمور ما شكينا به لحد

العقل ما لقي لغلاك ، برود يا علم فيت البكا

ان داجى يبات سفيه ، وان كافى السية توجعه

ما نلوم ع البكّاي ، عندي عين يا ما باكية

جضر الناس بالساعات ، ونا حذاي باني خيمته

ننسى سريبهم ما بيت ، ولا نصيب لولاف جابهم

سقيته وهو عطشان ، خذيت أجر حاييت خاطري

حتى ان راجعوا ما راض ، الخاطر مضى فيه ياسهم

نحسابه مغير ايام ، تما سنين يا عين ياسهم

شديد عزم في ما فات ، واليوم خاطري طاب ع البكا

خبط شبوب بدري صيف ، نواره سبق ماه يا علم

ان تارك العقل يضيع ، وان جال ما لقي غير العدو

عزيز وين صار الموح ، معاهم بقي عين شامتة

ما تلوم ع البكّاي ، العين نار لولاف قايسة

ينساهم يجوه منام ، عزاز خاطري والع بهم

نسيهم بلا ياسات ، العقل دار به ياس باعده

خلينا قبال الناس ، نديرو خطا بيش يامنوا

يريد من يروف عليه ، قزون خاطري نوعه نصب

ما لك عليه ملام ، العقل راك يا ياس ظالمه

يتّاوق مع لجناب ، بعد عزيز يانا فاهقي

الصبر يا العين طبيب ، شكواك م الغلا زادك مرض

غلاهم بقي للعين ، خيال يا علم في نومها

خليت يا عزيز الياس ، طحن الحيط مونة للجضر

هفّوا عليه ناض خليع ، العقل وين ما نومه حلي

يستاهل عزيز القدر ، علي صوبنا عاند عَنَد

مكتوب في عقاب غلاي ، يصير ياس ما له مراجعة

شقيت والشقا مكتوب ، ورا عزيز يا ريته قسم

صعبوا يا العين عليك ، وما لهم سبب بيش يقسموا

الكبد من صهيد النار ، ملهوف جنبها يا نويرتي

ليش ترقدي في الليل ، اللي في عقابه تسمري

حلم منام جابك فيه ، غفا العقل لو كان ما وعي

سيات يا عزيز خطاك ، كثر عدادهن نين الّفن

بعد معاهدة وآمان ، عزيز خاني خونة عدو

لفى لك مرض يا عين ، بعد عزيز ما ليل ترقدي

يشيطن على غفلات ، معانا لهاليب نارهم

نهوا العقل عاند جال ، على غلاه ما ياس قادعه

سفا رديم ع النيران ، العقل وين ما فيهين وحل

العقل وين جاه نباك ، سرى لك ونا جيت لاحقة

مشى العقل تاجر صوب ، زطل عليه لا باع لا شرا

ملا العقل فاض عليه ، غلاك ما لقينا له وعا

مفيت في ذراك يغفن ، لنظار يا علم طار نومهن

مكتوب في غلاهم صار ، زعم خواتمه كيف يا علم

داعي عليك فقي ، والا صاحب الدين لوّلي

بجيشه هجم في ليل ، الياس ما وعينا لغرته

يزهى العقل كان فضيت ، ويضايق ان قالوا له غني

مضّايق بياس جديد ، يمشي خاطري فوق م النفس

الياس ما يريد يدوم ، كذاب غير يوفي ف اجلته

خلاهن خلا واجداب ، خزاين بعد مال نفضن

نلوم خاطري ع الياس ، نلقاه شاقه سيل الغلا

كلام الخلا مجحود ، ويا رفيق راك تعاوده

لنظار يا عزيز بعدك ، القوت نوم ، وان ناضن بكا

انريد ياالقديم ارضاك ،غلا ماليا كيف غلاك

نبرم فى الدار انتفقده ،مانحساب عزيز اسقد

الدوة كى تبقى تلويم ،الله لا يردك يا القديم

يا القديم انت اللى بادى ،تجرحنى واطرف غادى

_________________

عدد المساهمات : 4 تاريخ التسجيل : 04/10/2010

مفيت في ذراك يغفن ، لنظار يا علم طار نومهن

مكتوب في غلاهم صار ، زعم خواتمه كيف يا علم

داعي عليك فقي ، والا صاحب الدين لوّلي

بجيشه هجم في ليل ، الياس ما وعينا لغرته

مشكوره بنتنا مشاركه حلوه -------------غلا عزيز خان الصوب @ربنا ينتقم منه
Sleep

اقتباس :: واجد اللي في العقل ، مطمور ما شكينا به لحد

ابدعتي ولكي جزيل الشكر

بنت البيضاء

شكرا حبوب البيضاء وابن الجبل على مروركم

90 غناوة صقع لاعضاء شباب وبنات جامعة عمر المختار 3788

سلمت يديك يابنوتة

والله نقلك رائع انتي اكتر من رائعة

اختك عاشقة الجبل

» صور جامعة عمر المختار
» للأسف كلية الاداب / جامعة عمر المختار
» استجواب شيخ الشهداء عمر المختار
» محمد عبدالهادي عبدالله من شباب الثورة